Venerdì 24 febbraio 2023 ore 17:30
Giornata internazionale della lingua madre
Lu pundàccju di li Sètti Barrètti.
Con:
Francesca Ruiu
Simone Sanna
Quintino Mossa
Emilio Aresu
 

Ereditai, sigundu li studiósi, di la più antica cultura europea
- subbr'a tutti l'alti chissa celtica -,
la tradiziòni di li fòli gaddhurési prisènta un mundu d'àmini minuti e,
pa' lu più, affaccindati illu fà, a la cuàta, mali e pèggju a li passòni.

Sèndi, umbè di 'òlti, sgraziati, e cun pudéri cundiziunati da calchi maìa,
li fugliètti, li palpacii e li pundaccji no sèmpri riscìani illi só' bistòlti intinziòni.

Lu risultatu éra chissu di lassà a li stéddhi chi sìghìani li cònti,
chi li manni di la Gaddhura antica li facìani
illi nuttati di 'Arru addananzi a la ciminèa,
dapói di tanti mumènti d'assustu
e di timóri puru lu tèmpu di calchi risa di cunfòltu e d'alligrìa.

Sò li mattèssi elemènti tènti còntu da Francesca Ruiu illu trattà,
a la manéra sóia, la fòla di "Lu pundàccju di li sètti barrètti",
l'aminéddhu dispittósu - ziraccu, fòrsi, di Santu Maltinu
- chi silla facìa palpèndi a l'affultu li fèmini e l'òmini.
Gjilósu di li só' sètti barrètti, chi pultàa in capu tutt'e sètti insèmbi,
éra pròntu a pacà cassisìa 'alóri, cassisìa sènda o trisòru,
a chissi pòchi fultunati chi riscìani illa difficcili imprésa di furavvìlli.

Ingresso libero e gratuito

---